النتائج 1 إلى 2 من 2

الموضوع: المنتدى . ونوابنا القادمين فى المجلسء الموقر

  1. #1

    المنتدى . ونوابنا القادمين فى المجلسء الموقر

    بســم اللـه الرحمــن الرحيــــم
    ـــــــــــــــــــــــــ ـــــــــــــــــــــــــ ــ
    المنتدى .. ونوابنا القادمين للمجلس الموقر !!


    ــــــــــــــــــــــ


    أهلى وناسىوأصدقائى الأعزاء
    بمنتدى حميدكــــى
    أعذرونى فإن المقالة معنية بالشأن المصرى أكثر .. ولكنى موقن دائما أن الشئون العربية لشعوبها واحدة .. ومايحدث هنا أو هناك .. لابد أن يتطابق حدوثه فى كل دولنا العربية تقريبا .
    ***********


    وحشتونــــى .. أعتذر عن عدم الكتابة لأسبوعين متتالين وعذرى هو أن جهاز الكمبيوتر بتاعى أصيببوعكة صحية فى الأسبوع الأول .. وبعد معالجته وتماثله للشفاء أكتشفت أننى أتعديتمنه وأخذت نزلة برد شديدة جدا أقعدتنى الفراش لأسبوع آخر .. وعملا بنصيحة أحدالأصدقاء الأعزاء بتناول مصل ضد الأنفلونزا يؤخذ فى شهر أكتوبر ويستمر مفعوله طوالالعام بدون أن تصاب بالبرد .. فقد أستجبت لنصيحته وأتشكشكت وأخذت حقنة المصل تفاديالغيابى عنكم .. وبرضه تفاديا للكحة والرشح وتفتيت العظام .. وربنا يجنبكم كلالأمراض .


    ***********


    أنتخابات مجلسالشعب اللى جايه ... شكلها ممكن تكون نزيهة !!.. وبأقول ممكن !!.. حسب الشواهد اللىقدامنا لغاية دلوقت !! فمنظمات المجتمع المدنى وحقوق الإنسان أتجمعت وأتفقت علىالمراقبة التامة للأنتخابات ... وأحزاب المعرضة المستأنسة شكلها فاض بيها وناويةتراقب بجد زى حزب الوفد وغيره .. وكمان الأخوان مولعين نار من المضايقات لمرشحيهماللى بدأت من دلوقت .. والكل شكله كده مش حايسمح بالتزوير !! إزاى بقى ده حايتم ؟الله أعلم ؟ بس كمان الحكومة وحزبها أو الحزب وحكومته أتفقا على ضرورة نزاهةالأنتخابات .. ومش عارف إذا كانت الحكومة والحزب زهقوا هما كمان من التزوير والسمعةالسيئة وضميرهم صحى .. ولا خايفين ومش عايزين دوشة وهما شايفين كل الناس ضجت وزهقتوأى تزوير حايقع على دماغهم .. ولا الحكاية إن دى آخر فترة للرئيس مبارك ( ربنايديله الصحة وطولة العمر ) وعمره دلوقت 82 سنة .. والسنة الجاية فى موعد الأنتخاباتالرئاسية حايكون عمره 83 سنة .. يعنى الفترة الرئاسية اللى جايه 5 سنوات وفىنهايتها حايبقى عنده 88 سنة .. فالراجل كتر خيره شاف إنه يمكن .. يمكن .. تكون دىآخر فترة رئاسية له .. وعلشان كده قال لازم أضع أسس ونظم ديمقراطية حقيقية للمصريينعلشان يفتكرونى دايما بيها .. وأنا أعتقد إنه أكيد .. أكيد حايغير الدستور خلال هذهالفترة الرئاسية الأخيرة .. ويمكن الدنيا تزهزه وناخد كل راحتنا من حرية وديمقراطيةحقيقية .. حلمنا بها لسنوات طويلة قوووووووى .!! المهم إنه بينى وبينكم كمان إنكواليس عالم الصحافة والأعلام المرئى والمقروء تتناقش وتتساءل فى شك وريبة بأنالأنتخابات القادمة اللى جاية باين عليها نظيفة !! ومحتارين لو ده حصل حايعملوا أيه؟ ويشتموا مين ؟ ويمكن أنتم شايفين اللى حاصل بنفسكم من ظواهر إيجابية .. وأولهاأنه سيسمح للمواطنين لأول مرة بالأنتخاب ببطاقة الرقم القومى ولكن فى الموطنالأنتخابى التابع له .. أو منطقة السجل المدنى التابع له .. ففى حالة عدم وجودبطاقة أنتخابية يمكن للمواطن التوجه لموطنه الأنتخابى والبحث فى كشوف الناخبين فىهذا الموطن الأنتخابى أو ذاك .. وعندما يجد أسمه فيحق له فورا الأدلاء بصوته .. وهناك دلائل كثيرة على الأحتمال الأكبر فى نزاهة الأنتخابات .. إذا... ممكن صوتنايكون له أثر وفايدة .. وده هو سبب مقالى .. وهو مرشحينا النوبيين وغير النوبيين فىمناطق النوبة وأسوان وفى التجمعات النوبية بمدن مصر المختلفة بالأسكندرية ( العطارين وكوم الدكة والرمل مثلا ) والقاهرة ( عابدين وإمبابة وغيرهما ) والسويسوغيرها ــ إن وجد ــ ولعلنا نعرف أسماء بعضهم .. ولكننا نريد أن نعرف كل شىء عنهم .. وعن برامجهم الأنتخابية .. ماهى رؤيتهم وحلولهم لقضايانا النوبية عامة وقضيةالعودة خاصة .. ماموقفهم من التعويضات المجحفة ؟ مارأيهم فى تغيير الدستور ؟مارؤاهم نحو القضايا المصرية المزمنة ومعاناة المصريين التى طالت ؟ كل هذا نريد أننعرفه ممن سنرشحهم .. نريد أن نطلع وندرس البرامج الأنتخابية لكل منهم .. وهل يستحقصوتنا أم لا ؟ .. وعلى إدارة المنتدى التكرم بالأتصال بهم جميعا وهذا هو الوقتالمناسب .. باقى أقل من شهر على الأنتخابات البرلمانية .. وعلى كل منهم تقديمبرنامجه .. وده واحد من أهم الأهداف والمزايا التى يجب أن تضعها المنتديات أمامعينيها .. ولإدارة المنتدى الحرية التامة فى أعتبار ذلك إعلان مدفوع بأجر كامل أمبأجر رمزى أم بدون أجر وخدمة للمرشح ولأهالى النوبة .. وعموما الأنتخابات هذه المرةستكون مربحة جدا لكل وسائل الإعلام بعدما سمح للأحزاب والمرشحين بنشر وإذاعةدعاياتهم الأنتخابية على شاشات التليفزيون المصرى والفضائيات .. وأيضا شبكةالأنترنت والمواقع المختلفة .. وقد رصدت ملايين الجنيهات لحملات الدعاية المختلفة .. وآهو مولد كبير .. فلماذا لا تستفيد منتدياتنا النوبية من هذه الفرصة الجيدة .. وتستخدم الأرباح من الأعلانات فى تطوير المنتدى .. وكمان ترجع للراجل المحترم اللىأنشأ وأسس المنتدى بعض فلوسه اللى حطها لله والوطن والنوبيين ... و لكن مايهمناجميعا كأعضاء وناخبين هو أن نعرف من سننتخب ؟ ولماذا سننتخبه ؟ وإلا سنكون محلك سرمن كل مشاكلنا وقضايانا وأهتماماتنا .. وعلينا الأنتظار أربع سنوات أخرى حتىالأنتخابات القادمة .. ويمكن برضه مانعرفش نختار .. وننتظر 4 سنوات أخرى ..وأخرى .. وأخرى .. ونقضى عمرنا كله فى الأنتظار .. أو فى سوء الأختيار !!

    بقلـــم

    صــلاح إدريــس

    [IMG]http://www.hameedki.com/forum/signaturepics/sigpic830_1.gif[/IMG]

  2. #2

    رد: المنتدى . ونوابنا القادمين فى المجلسء الموقر

    تحياتي استاذنا صلاح ادريس
    افتقدنا كتاباتك وقلمك المرح اللاذع ، يا ترى فين اراضيك؟؟
    لو لسه متابعنا وبتقرأ كلامي يا ريت تطمئننا عليك

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •