النتائج 1 إلى 2 من 2

الموضوع: يا غربة يا بكاية يا غشاشة يا مستهبلة

  1. #1

    يا غربة يا بكاية يا غشاشة يا مستهبلة

    يا غربة يا بكاية يا غشاشة يا مستهبلة
    تغرينا بي درهم قروش ووراك قنطاربهدله
    جيناك نقعد بس سنة وحاجاتنا ناقصة نكمله
    نبني البيوت في العاصمه ونفرشاثاثها نجمله
    وكرولا حارة نرسله اصله النقل صار مشكلة
    ونكمل الدين بي مهلهوالسمحة جاهزة نحصلها
    غير القروش اللي الاهل عبر الشهور حارسله
    والباقي يدخلفي البنوك ونشوف دباره نشغله
    ناس فكرت تجني العلم ةتبدا الدراسة تواصله
    احلامكتيرة وشيقة وامال كبيرة مدنكله
    لكن حساباتنا الغلط في كل يوم بنرحله
    مرتسنين من العمر بنعزها وبنفضله
    والحسبة وصلت طاشرات امكن نعيش ونبدله
    وتعالنحاسبك يا وهم من غير رقم او اسئلة
    كان للقروش نجري ونحوش لكن تقولبنشاكله
    ماراضيه تقعد في الجيوب وتقول حرامي بينشله
    لكن بتقعد في الضهور بيديون تقيلة مطوله
    ممحوقه ما بتقضي الغرض واقل حاجه تكمله
    كملانه بطحاء وحقوزن ومجاملات مستعجلة
    واحلامنا ديك صبحت سراب نمشي ونجرى ما نحصله
    ياريت يكونهم القروش يا غربة فيك المعضلة
    لكن تعال شوف الهموم الما افتكرنا نقابله
    ذلهومهانة واحتقار خلو النفوس متململه
    سجننا كبير فيه الكفيل سجان قيودهمكبلة
    اشغاله شاقة مؤلمة ودائما تكون مستعجلة
    مرض الضغط والسكري ومرض القلبووجع الكلى
    مصران وقرحة واكتئاب ونفوسنا ما متحمله
    وبقينا كيمان لحم تحتالهدوم متندله
    واكيد يكون اكل المعلب والمجمد عامله
    وعدم الرياضة والكند شهلابد يكون ليهم صلة
    وكمان تعال للمعادلة الماقدرنا اصلا نعدله
    سجن العيال جوهالشقق ولا فراق العائلة
    جيب العيال فيه المخاطر وجيوبنا غير مميله
    وصغارناصبحت بالزهج متوحشة ومتجفله
    لا قادره تدرس بي نفس من الدروس متذهله
    تلقىالولد غالبه الكلام والبنت كبيره مريله
    كل الضغوط جاتهم سوا ما قدرنا حتىنقلله
    في كل الظروف تلقى القرف تلقى الخيوط متشابكة
    اما الفراق اصل الوجعومشاكله بايته مقيله
    والفراق عارفين مشاكله ومافي داعي نفصله
    ياغربة اديناككتير ادينا خاطرك يسهله
    خلينا نرجع بالفضل نلحق حياتنا نعدله
    امالنا فيك بدرياتنست الا الرجول متوحله
    وبقينا زي اهل القبور لا البره عارف يدخلها
    ولاالجوه يرجع لي وره يحكي الحكاية يوصله
    لكن خلاص هان الخلاص عدك نزل مهماعلا
    وانشاء الله نحيا ونودعك وتكوني ذكرى نغازله
    يا غربة يا بكاية يا غشاشةيا مستهبلة

    وبقول ليك اخيرا ..
    الغريب عن وطنو مهما طال غيابو
    مصيروايرجع تانى لاهلو وصحابو

  2. #2

    رد: يا غربة يا بكاية يا غشاشة يا مستهبلة

    اقتباس المشاركة الأصلية كتبت بواسطة ط¨ظƒط±ظ? ط*ط§ظ…ط¯ مشاهدة المشاركة
    يا غربة يا بكاية يا غشاشة يا مستهبلة
    تغرينا بي درهم قروش ووراك قنطاربهدله
    جيناك نقعد بس سنة وحاجاتنا ناقصة نكمله
    نبني البيوت في العاصمه ونفرشاثاثها نجمله
    وكرولا حارة نرسله اصله النقل صار مشكلة
    ونكمل الدين بي مهلهوالسمحة جاهزة نحصلها
    غير القروش اللي الاهل عبر الشهور حارسله
    والباقي يدخلفي البنوك ونشوف دباره نشغله
    ناس فكرت تجني العلم ةتبدا الدراسة تواصله
    احلامكتيرة وشيقة وامال كبيرة مدنكله
    لكن حساباتنا الغلط في كل يوم بنرحله
    مرتسنين من العمر بنعزها وبنفضله
    والحسبة وصلت طاشرات امكن نعيش ونبدله
    وتعالنحاسبك يا وهم من غير رقم او اسئلة
    كان للقروش نجري ونحوش لكن تقولبنشاكله
    ماراضيه تقعد في الجيوب وتقول حرامي بينشله
    لكن بتقعد في الضهور بيديون تقيلة مطوله
    ممحوقه ما بتقضي الغرض واقل حاجه تكمله
    كملانه بطحاء وحقوزن ومجاملات مستعجلة
    واحلامنا ديك صبحت سراب نمشي ونجرى ما نحصله
    ياريت يكونهم القروش يا غربة فيك المعضلة
    لكن تعال شوف الهموم الما افتكرنا نقابله
    ذلهومهانة واحتقار خلو النفوس متململه
    سجننا كبير فيه الكفيل سجان قيودهمكبلة
    اشغاله شاقة مؤلمة ودائما تكون مستعجلة
    مرض الضغط والسكري ومرض القلبووجع الكلى
    مصران وقرحة واكتئاب ونفوسنا ما متحمله
    وبقينا كيمان لحم تحتالهدوم متندله
    واكيد يكون اكل المعلب والمجمد عامله
    وعدم الرياضة والكند شهلابد يكون ليهم صلة
    وكمان تعال للمعادلة الماقدرنا اصلا نعدله
    سجن العيال جوهالشقق ولا فراق العائلة
    جيب العيال فيه المخاطر وجيوبنا غير مميله
    وصغارناصبحت بالزهج متوحشة ومتجفله
    لا قادره تدرس بي نفس من الدروس متذهله
    تلقىالولد غالبه الكلام والبنت كبيره مريله
    كل الضغوط جاتهم سوا ما قدرنا حتىنقلله
    في كل الظروف تلقى القرف تلقى الخيوط متشابكة
    اما الفراق اصل الوجعومشاكله بايته مقيله
    والفراق عارفين مشاكله ومافي داعي نفصله
    ياغربة اديناككتير ادينا خاطرك يسهله
    خلينا نرجع بالفضل نلحق حياتنا نعدله
    امالنا فيك بدرياتنست الا الرجول متوحله
    وبقينا زي اهل القبور لا البره عارف يدخلها
    ولاالجوه يرجع لي وره يحكي الحكاية يوصله
    لكن خلاص هان الخلاص عدك نزل مهماعلا
    وانشاء الله نحيا ونودعك وتكوني ذكرى نغازله
    يا غربة يا بكاية يا غشاشةيا مستهبلة

    وبقول ليك اخيرا ..
    الغريب عن وطنو مهما طال غيابو
    مصيروايرجع تانى لاهلو وصحابو
    شكرا اخوتي الأفاضل
    القصيدة السابقة نظرة متشائمة عن الغربة رايت ان اسجل نظرة مغايرة أكثر إيجابية وإنصافا
    كتبت التالي عن الغربة إنصافا .

    عذرا تمهل في الحكم الغربة لا غشاشة لا بكاية لا مستهبلة
    شطر الكلام ماهو الصواب ما يستقيم دون تكملة
    نصف الذكرتو كلام صحيح كانت ثقافة مرحلة
    الغربة تخطيط منتظم ضبط الحكاية من اولا
    الغربة زي موية المطر في الرملة ما بتحصلا
    الغربة عايزة مؤهلات تطوير شديد دون ململة
    الغربة كم ربت يتيم مسحت دميعات أرملة
    في الغربة ناس تركوا الخمول عرفوا الصلاح درب الصلاة
    بالغربة ناس فتحت بيوت حفظت صغارها من البلا
    بالغربة كم حجوا الكبار دفعوا التذاكر في الغلا
    الغربة كم سندت ضعاف اضحت امورها مسهلة
    بالغربة كم مديون مهان سدد ديونو وحلحلا
    بالغربة ناس عملت بيوت مفروشة اثاث آخر حلا
    في الغربة ناس حازت علم طب وإقتصاد مع صيدلة
    في الغربة ناس درست فقه حفظوا المتون من اوّلا
    الغربة كم دعمت إمام شيد مساجد للصلاة
    الغربة كم رزعت حقول روت العطاشا الفي الخلا
    قصة عيال جوة البيوت في دا الزمن ما مشكلة
    ليه الولد غالبو الكلام والبت كبيرة مريلة
    ليه مافي تربية وإهتمام ليه العيال متبهدلة
    لو انت مشغول بالعمل دور الأمومة مكملة
    تهوى السهر نوم النهار خلت عيالها مهملة
    سوق الدهب ونسات حريم طبعا اكيد ليهم صلة
    علم الشوارع ما بيفيد في البيت هوايتو بحصلا
    ظل الشديرة دة كان زمان وقت البيوت مترهلة
    كل البيوت صارت شقق مضروبه بوهية مقفلة
    في البيت في انترنت بيجيب كل الخيوط متواصلة
    البيت بيحفظو من الشرور ومخدرات ومن البلا
    حتى اللعب بي إنتظام أوقاتو ما متداخلة
    ليه للقروش تقعد تحوش بالأولويات نزلا
    رتب حواجك بي عقل ما تسيبها ماشا سبهللة
    طور معارفك بإنتظام أصلو المنافسة مذهلة
    الواسطة قبل الإمتحان ما اظن تحل المسألة
    خلى المجاملة في حدود والواجبات ما معضلة
    والغربة منحة من الكريم تستاهلك وتستاهلا
    بس أبدا بي تخطيط سليم من دون كلل دون ململة
    حصل قطارك ما يفوت بى سرعة من غير فرملة
    سيب إكتئابك والملل كتر دعاك وقت الصلاة
    فارق الشلل لعب الورق سهر إستراحات بطلا
    اصلو الزمن دوار شديد لحظاتو ماها مطولا
    وادعو الكريم ساعة السحور للمعضلات بيسهلا
    بس حسن اعمالك كمان بي نية صافية من اولا
    تلقي المراد يوم الحصاد كل المحطات توصلا
    وإن فاتت في الفانية دي يوم القيامة تحصلا

    </B></I>
    أخوكم محمد الزبير (القولد المديرية الشمالية)



معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •