+ الرد على الموضوع
النتائج 1 إلى 6 من 6

الموضوع: مراتي مش فرجة لحد..!!!

  1. #1
    Super Administrator الصورة الرمزية محمد حسن بدر الدين
    تاريخ التسجيل
    Oct 2005
    الدولة
    اتحاد روسيا الفدرالي
    المشاركات
    1,233

    مراتي مش فرجة لحد..!!!

    • اعجبتني فنقلتها لكم ...
    • كتبها : محمد فضالي، في صفحته الشخصية هنا على الفيسبوك


    من فترة كان فى شاب طلق مراته ليلة الدخلة بسبب انه كان متفق معاها تلبس فستان محجبات ...لكنها اشتغلته وقالتله تمام انها هتلبسه ...ولما راح يجيبها من الكووافير لقاها لابسة فستان مفتوح الصدر " ولما أصر ان الفستان يتقفل ..اهلها قالوله متبقاش قفل هو يوم وهيعدى ...لكن هو كان مُصر ..والنتيجة مع رفضها .."طلقها فى الكوافير "
    فكرة أنا مراتى مش فُرجة لحد ....يعنى مينفعش عشان نفرح ...نفعد انا وهى نرقص وناس حوالينا تسقف....مينفعش عشان نفرح..نتخلى عن الحجاب اللى طول عمرنا لابسينه ونقول ليلة وهتعدى .....
    أعرف عريس وعروسة الموت أختارهم هما الاتنين ..وهما راجعين من الكوافير ..
    من أكتر الحاجات المستفزة انعدام الغيرة دلوقتى عند الرجال ..يعنى ..تلاقى الاب مثلاً سايب بناته واقفين فى االبلكونة بنص كوم ..أو بشعرهم . أو نازلين الشارع متعرفش نازلين إزاى والأخ كذلك ..ومفيش توجيه والا رقابة والا أُسس تربوية سليمة...
    زمان كان معروف إن الغيرة طبع عربى أصيل .العربى كان لا يطيق أن ينظر احد الى زوجته أو ابنته ..وكان من ضمن أسباب وأد البنات " موضوع الغيرة الشديدة ...ومن أول الناس اللى عملت كده واحد اسمه قيس بن عاصم ، وده بسبب إن بنته لما أُسرت ..وحصل حرب بسببها وخيروها فى الرجوع لابيها رفضت وتزوجت ممن أسرها فغضب غضباً شديدا ووأد جميع بناته ...
    وكان من غيرة العرب أنهم بيشبهوا المرأة " بالبيضة " وده عشان البيضة تصون ما بداخلها، حتى القرآن الكريم بيقول عن الحور العين " كأنهن بيضٌ مكنون "..
    ومن غيرتهم ..أنهم كانوا مستحيل يبصوا على النساء ...وكان الواحد فيهم يقول : "أغض الطرف ما بدت لى جارتى ..حتى يوارى جارتى مأواها "، حتى كانت عائشة ..تستدعى غيرة رسول الله وهو ميت ...اذ لما دُفن سيدنا عمر بجواره كانت لا تدخل الغرفة إلا بحجابها...
    ويحكى أن أعرابياً في الجاهلية زُفّت إليه عروسه على فرس، فقام فقتل تلك الفرس التي ركبت عليها العروس، فتعجب الجميع من حوله وسألوه عن سرِّ عمله فقال لهم: خشيت أن يركب السائس مكان جلوس زوجتي ولا يزال مكانها دافئاً!
    ومن أغرب االحاجات اللى توريك فعلاً قد ايه الغيرة كانت موجودة، امرأة تقدمت إلى مجلس القاضي موسى بن إسحاق بمدينة الريّ سنة 286هـ فادّعى وكيلها بأن لموكِّلته على زوجها خمسمائة دينار (مهرها)، فأنكر الزوج فقال القاضي لوكيل الزوجة: شهودك. قال: أحضرتهم. فطلب بعض الشهود أن ينظر إلى المرأة، ليشير إليها في شهادته، فقام الشاهد وقال للمرأة: قومي، فقال الزوج: "ماذا تفعلون؟"، قال الوكيل: "ينظرون إلى أمرأتك كى يعرفوها "، قال الزوج: "إني أُشهد القاضي أنّ لها عليّ هذا المهر الذي تدّعيه ولا تُكشف عن وجهها"، فقالت المرأة: "فإني أُشهِد القاضي أني وهبت له هذا المهر وأبرأتُ ذمته في الدنيا والآخرة."، فقال القاضي وقد أُعجِب بغيرتهما: "يُكتب هذا في مكارم الأخلاق"...
    مجتمعنا دلوقتى اللى بيغير فيه ..بقى اسمه " دقة قديمة ...متزمت ...معقد " يقول ابن القَيِّم - رحمه الله -: "إذا ترحلت الغَيْرة من القلْب، ترحلت منه المحبَّة، بل ترحل منه الدِّين كله"
    المبأدىْ لا تتجزأ ....الانسان اللى عنده كرامة ونخوة هو اللى بيقدر يصون بيته وأهله وزى ما قال الشاعر
    إِنَّ الرِّجَالَ النَّاظِرِينَ إِلَى النِّسَا ... مِثْلُ الكِلاَبِ تَطُوفُ بِاللَّحْمَانِ
    إِنْ لَمْ تَصُنْ تِلْكَ اللُّحُومَ أُسُودُهَا ...أُكِلَتْ بِلاَ عِوَضٍ وَلاَ أَثْمَانِ
    بطلوا‬ دياثة وكونوا رجالاً ، رجالاً فى الغيرة على نسائكم بأن لا تجعلوا أجسادهم عُرضة لمرضى القلوب ومتلصصى النظر نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي) وهم كُثر ..كغثاء السيل
    إضافة‬....البوست بالامثلة اللى فيه ..ما هو إلا إحياء وتأصيل علمى عما كانت عليه العرب قديماً ..وليس الغرض من الاستشهاد بــ الامثلة " التطبيق الحرفى " لكن الغرض إحياء لفضيلة اندثرت بما يناسبها من عدل وتوسط ..ومعرفة كيف كانت الغيرة قديماً .
    قال سيدنا عمر رضي الله عنه: " النساء كلحم على وضم إلا ما ذُب عنه والذابون عنه هم الرجال"...
    التعديل الأخير تم بواسطة محمد حسن بدر الدين ; 05-31-2016 الساعة 05:22 PM

  2. #2
    Super Administrator الصورة الرمزية محمد حسن بدر الدين
    تاريخ التسجيل
    Oct 2005
    الدولة
    اتحاد روسيا الفدرالي
    المشاركات
    1,233

    رد: مراتي مش فرجة لحد..!!!

    • اعجبتني فنقلتها لكم ...
    • كتبها : محمد فضالي، في صفحته الشخصية هنا على الفيسبوك


    زمان العرب الجاهليين كانوا رافعيين شعار " "قتْل البنات من المكرمات". وده لأن الواحد منهم كان بيخشى بنته تقع فى الفاحشة ...وعندما جاء الإسلامُ حثَّ على التخلُّق بخُلق الغَيْرة على المحارم، وحرَّم قتْلَ البنات، ورفَع شعارًا هو: "أكرموا البنات؛ فإنهنَّ الغاليات" نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي)
    حتى تقرأ فى السيرة تجد أن النيى صلى الله عليه وسلم كان بيحب بنته " فاطمة " جداً . ومع حُبه ده كان بيقولها اعملى يافاطمة فأنا لا اغنى عنك من الله شيئا نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي) ،ربنا أنزل آية كريمة اوى بتقول " ﴿ وَإِذَا بُشِّرَ أَحَدُهُمْ بِالْأُنْثَى ظَلَّ وَجْهُهُ مُسْوَدّاً وَهُوَ كَظِيمٌ* يَتَوَارَى مِنَ الْقَوْمِ مِنْ سُوءِ مَا بُشِّرَ بِهِ أَيُمْسِكُهُ عَلَى هُونٍ أَمْ يَدُسُّهُ فِي التُّرَابِ أَلَا سَاءَ مَا يَحْكُمُونَ ﴾ والنبى صلى الله عليه وسلم عشان يهدم عادة قديمة منتشرة .فى الجاهلية ولسه مغروسة فى بعض المسلمين الجٌدد ..قال حديث جميل اوى " ( من جاءه بنتان، فأحسن تربيتهما، حتى يزوجهما، أو يموت عنهما، فأنا كفيله في الجنة )) كمان كل بيت فيه بنات، هذه البنات ضمانة لأبيهم لدخول الجنة لذلك تربية البنات جزءٌ من الدين، إنت لو علمت وربيت ولد يبقى علمت واحداً، وإن علمت فتاةً هديت أسرة بأكملها ..نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي)
    وعشان كده " الغرب بيحاول دايماً يُثير قضايا المرأة ..لأن بعد بحث كبير وتعب مُضنى من السنين فى ضياع شباب الاسلام ..وجدوا أن الأسرة هى عمود البيت المسلم ..وعشان يهدمه العمود ده لازم يدوروا على أساسه " وهو طبعاً المرأة ..نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي) وده هتلاقيه موجود فى بروتوكلات حُكماء صهيون بنفس النص ده " علينا أن نكسب المرأة ففي أي يوم مدت إلينا يدها ربحنا القضية .
    ومن وقتها وجدنا الصحافة اللى تعتبر إحدى أدوات التغريب الحديث " بتطلعلنا مقالات زى ... " من عيوب الزوج العربي ( الغيرة ) ! " وكمان " الفضيلة والكرامة تعترضان مسيرة النجاح " وكمان " ماذا لو قالت امرأة : ( هذا الرجل صديقي ) !!!. الخ ..
    ولما تيجى تتكلم عن وضع المرأة ...تلاقى دعوات تقولك ..انتم شاغلين نفسكم بيها ليه ؟؟مفيش قضايا تانية غيرها ....ودول لازم تواجههم بنفس السؤال وتقولهم نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي) لماذا تشنون هجوماً عنيفاً على الحجاب والمتحجبات وعلى العفاف والفضيلة وتمجيد الرذيلة في وسائل الإعلام بأنواعها وفي غيرها أيضاً ، سواء كان في المنتديات والأندية الثقافية والأدبية ، أو كان في الجلسات الخاصة وفي غيرها ؟؟
    ... ضيف بقى الأفلام اللى مغظم محتواها جريمة وجنس وحب ، ودايما صورة المتدين لازم تطلع بأبشع الصور ..إلى جانب تشويه صورة الحجاب فى إنه مجرد قطعة قماش إلخ بقى مما لا يُحصى ، والفكرة اللى الناس دى بتحاول تقفز عليها إنْ أساس الفضيلة فى الأنوثة الحياء " نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي) عشان كده عاوزين يخرجوها برة الدايرة دى بــأى شكل لأنها إذا فقدت المرأة هويتها وحياءها فَقَدَ معها الرجال أخلاقهم ، وفى ظل كبت للشهوات ونسبة بطالة عالية جداً وغلاء معيشى وارتفاع نسبة العازفين عن الزواج شباب وبنات ..وأكاد أُجزم أن بنى صهيون أحد المشاركين فى هذه اللعبة إن لم يكونوا الأساس .. يُصبح من السهل جداً أن تجد فوضى أخلاقية ..وانعدام لكل ما يمت لهذا الدين بــصلة ، أضف أيضاً مواكبة " التجديد والتطوير .ومن صعدوا إلى المريخ ...وكأننا لا نعرف إلا أن نستورد البضاعة الزائفة وطريقتهم فى الإنحلال والفوضى الأخلاقية ..أما أن نأخذ عنهم جُهْدهم ومثابرتهم فى عملهم الخ ...فهذا ما لا يكون .. وهذا ما يريدوه نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي) ، وصدق أحدهم إذ قال كأس وغانية تفعلان في تحطيم الأمة المحمدية أكثر مما يفعله ألف مدفع، فأغرموها في حب المادة والشهوات

  3. #3
    Super Administrator الصورة الرمزية محمد حسن بدر الدين
    تاريخ التسجيل
    Oct 2005
    الدولة
    اتحاد روسيا الفدرالي
    المشاركات
    1,233

    رد: مراتي مش فرجة لحد..!!!

    • اعجبتني فنقلتها لكم ...
    • كتبها : محمد فضالي، في صفحته الشخصية هنا على الفيسبوك


    قلت قبل كده إنى لو فى فضل عليا فــ الدنيا فـ ده سببه أخواتى البنات .."
    لما كنت أصحى من نومى بليل وأنا صغير الاقى أختى واقفة تصلى ..والتانية بتقرأ قرآن وأنا نايم ...واقفين بينادوا ربنا ..واقفين بعد تعب اليوم فى مذاكرة وتنضيف بيت الخ ..من غير تعب أو ملل ..كنت بستغربهم أوى ..لما كان يجى حد يزورنا ..ومترضاش تسلم عليه ...لا ابن خالتى والا ابن عمتى والا ابن عمى ..والا غيره ....مستحيل حد يشوف شعرهم لدرجة أن لو الستارة مفتوحة كنت لازم اقفلها عشان تعدى من أوضة لأوضة ..لــيكون حد واقف فى البلكونة من الجيران .......علمونى الحياء والحياة ..علمونى الغيرة من وأنا طفل ..فهمت بعدها حاجات كتير كان عقلى الصغير مش فاهمها .. والحمد لله فهمتها نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي)
    اللى متابعنى كويس هيعرف أنى عمرى ما جيت على المرأة ودايماً كُنت منُصف ليها فى كتير من الامور . .. أنا مش داعشى والا ارهابى وإلا بحارب وجود المرأة والا شايفها مجرد قطعة لحم أو دابة للركوب .
    ..أنا مجرد مسلم بسيط جداً ..بيحاول يطبق المنهج اللى ربنا قال عليه على قد ما يقدر ....مسلم مٌقصر فى حاجات كتير ..بيحاول يرسم الاسلام فى صورة أخلاقية بعيد عن الإفراط والتفريط ، مُسلم قرأ فى كتاب ربنا " وما كان لمؤمن ولا مؤمنة إذا قضى الله ورسوله أمراً أن يكون لهم الخيرة من أمرهم " ..فقال رضيت يارب
    ومش هقعد ادور على مبرر لأى فعل يارب انت نهيت عنه أو أمرت بيه عشان سواد عيون حد ..عرفت إنك قولتلى يارب غض بصرك ومتظلمش ومتغتابش وصلى وصوم وخلي أخلاقك قرآن .. ايوة قرأن اللى الحرف فيه بــ10 حسنات والناس هجرته .
    عرفت أن المرآة كائن ضعيف جداً يارب والنبى صلى الله عليه وسلم وصى كتير عليه ...وقال " خيركم خيركم لأهله " وقال " استوصوا بالنساء خيراً " وقال " حق الضعيفين ..المرأة واليتيم " وعرفت أنه كان بيحب عائشة جداً وكان بيعبر عن حبه ليها ببساطة من غير تكلف ..وكان بيخدم أهله ...وعرفت يارب أن الدين ليه ارتباط وصلة بالاخلاق مينفعش ينفصلوا ابداً ...محاولتش امشى على سطر واسيب سطر ..قولت مش هدور على حقى واسيب حق غيرى ...انت خلقتنا متساويين . امرتنا بالعدل فى كل الامور ..قولت علينا أن احنا خير أمة بس اشترطت شرط " تأمرون بالمعروف وتنهون عن المنكر " بصورة حسنة ...يارب أنا عارف أنى مقصر جداً معاك ..يارب أنا بحاول أسيب اثر طيب فى الحياة
    بحاول اوضح للناس الدين اللى أنا فاهمه وممكن اكون غلط ..لكن أنت عارف يارب انى دايماً مقصودى خير ....أنا مش داعشى والا متزمت والا ارهابى ..يا جماعة ...أنا أقل من أن حد يشيل ذنب بسببى انا اقل من إنك تشتمنى ...أنا مسامحك رغم شتمك لأمى مسامحك ومش عاوز منك جاجة ..غير تعرف أنى والله ما قصدت إلا الخير من باب حديث للنبى " لئن يهدى الله بك رجلاً واحداً خيرٌ لك من حمر النعم " نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي) يارب اجعلنا منهم كلنا ...

  4. #4
    Super Administrator الصورة الرمزية محمد حسن بدر الدين
    تاريخ التسجيل
    Oct 2005
    الدولة
    اتحاد روسيا الفدرالي
    المشاركات
    1,233

    رد: مراتي مش فرجة لحد..!!!

    • اعجبتني فنقلتها لكم ...
    • كتبها : محمد فضالي، في صفحته الشخصية هنا على الفيسبوك

    أنا اتشتمت من ناس كتير ..وقالوا عليا رجعى ومتزمت ومتخلف والخ ..الله يسامح الحميع بس نصيحة ليكم
    الناس اللى مش قادرة تفهم أن قوة العالم الغربى ..مش فى الانفتاح والفوضى الأخلاقية والشهوات والالحاد والقفز على العادات والتقاليد ..ونسيان الأسس اللى المفترض تبقى أصيلة جوانا .. والله صعبانة عليا
    احنا استوردنا الافكار الخاصة بطريقة الحياة وبس ..مستوردناش طريقة العمل والجهد والمثابرة ...استوردنا الموضة والانحلال .والافكار البذيئة من سهوكة وميوعة واصبح الرجال اشبه ما يكونوا نساء والنساء أشبه ما يكونوا رجال ...وقفزنا على الفطرة اللى ربنا خلقنا عليها
    ...أرجوكم كفاية نفخ فى شهوات الناس .....وحاولوا تغيروا نمط حياتكم ..وترجعوا لأصل المنبع ..عشان احنا ابتغينا العزة فى غير " الاسلام " وكانت النتيجة " أذلنا الله "
    بلال - رضي الله عنه - كان بيأبى على مُعذِّبيه الذين فعلوا به الأفاعيل، حتى إنَّهم ليضعون الصخرة العظيمة على صدره في شدَّة الحر، ويأمرونه أن يشرك بالله، فيأبى عليهم ويقول: أحَدٌ، أحَدٌ، ويقول: والله، لو أعلم كلمة هي أغيظ لكم منها، لقلتها.نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي)
    " واحنا بنحاول نلاقى مبرر عشان أمر بغض البصر ..او امر بلبس الحجاب " نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي(
    سيدنا خالد بن الوليد كان بيقول لأعدائه، وقد تَحصَّنوا منه في حصون منيعة: "أين تذهبون منَّا؟ والله، لو كنتم في السحاب، لأصعدنا الله إليكم، أو لأمطركم علينا". عشان كان معتز بدينه نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي)
    لما حاصر محمد الفاتح السلطان العثماني العظيم مدينةَ القُسطنطينيَّة، واستعصت عليه بعض الوقت، وقف أمام أسوارها، وقال: "حسنٌ، واللهِ ليكونَنَّ لي فيك قصر أو قبر"، وكان له ما أراد نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي)
    عزك هو دينك ...ده شرفك ورأس مالك ...اللى تدفع عشانه كل رغباتك ..الجنة غالية اوووووى ..نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي) إياك تضيعها بعرض من الدنيا قليل

  5. #5
    Super Administrator الصورة الرمزية محمد حسن بدر الدين
    تاريخ التسجيل
    Oct 2005
    الدولة
    اتحاد روسيا الفدرالي
    المشاركات
    1,233

    رد: مراتي مش فرجة لحد..!!!

    • اعجبتني فنقلتها لكم ...
    • كتبها : محمد فضالي، في صفحته الشخصية هنا على الفيسبوك

    عشان بس الناس المعترضة على موضوع الغيرة .هفكرهم بشى ..من فترة واحد عرف إنّ مراته بتخونه مع ابن خالتها ..لدرجة إنه عرف إمتى هيتقابلوا وفين ...ومَشى وراهم ومقدرش يطلعلهم ..وبيقول مقدرتش أطلع ..وخدت عربيتى وروحت قعدت عند أمى فترة ..ولحد دلوقتى مقالش لمراته وبيقول مش عارف اتصرف إزاى ....واللى زى ده عاوز سيدنا سعد بن عبادة يرد عليه لما قال " إنْ رأيتُ ما يَريبني في أهلي لأطيحنَّ بالرأس عن الجسد، ولأضربنَّ بالسيف غير مُصْفحٍ، ولْيفعل الله بي بعد ذلك ما يشاء نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي)) عشان كده
    إذا رأيت ضعيف الغيرة فاعلم أنه أُصيب في مَـقْـتَـل ، وأن ذلك بسبب الذنوب .قال ابنُ القيّمِ رحمه الله : ومن عقوباتِ الذنوب أنـها تُطفئ من القلب نارَ الغيرة "
    حتى أن الرجل من كثرة ذنوبه لا يستقبح بعدَ ذلك القبيح لا من نفسه ولا من غيرِه ...عشان كده مبقتش بستغرب لما بلاقى بنات فى الشارع لبسها ضيق جداً او بلاقى أزواج ماشيين فى الشارع مع زوجاتهم وخاصة فى الصيف .." وعلى شاكلة البلد اللى متعرفش حد فيها ......"
    تلاقى اللى فى بلدها محجبة بتقلع الحجاب ...وإلا مكانتش بتلبس بناطيل ضيقة او قصيرة شوية ...لا ممكن عشان احنا فى فُسحة وخلينا ننبسط " والزوج أو الاخ أو الاب لا يُنكر هذا أبداً .
    يروى أن أعرابياً رأى امرأته تنظر إلى الرجال خيانة " كانت عنيها زايغة " فطلّقها ، فعُوتِب في ذلك ، فقال :
    وأتركُ حُبَّها من غـيرِ بغضٍ *** وذاك لكثرةِ الشركـاءِ فيـه
    إذا وقع الذباب على طعـامٍ *** رفعـت يدي ونفسي تشتهيـه
    وتجتنبُ الأسودُ ورودَ مـاءِ *** إذا كنَّ الكلاب وَلَـغْـنَ فيه
    أسماء بنت أبو بكر تزوجها عبدالله بن الزبير ..وكان غيور جداً وفى مرة كانت شايلة حاجة تقيلة وكانت هتمشى بيها مسافة طويلة ...النبى عدى عليها هو وبعض الصحابة وكان راكب جمل ..فخلى الجمل يقعد ونادى عليها عشان تركب وراه ويوصلها ..بتقول فاستحيَيتُ أن أسيرَ معَ الرّجال ، وذكرتُ الزّبيرَ وغَيرَتَه ، وكان أغيَرَ الناس ، فَعَرَفَ رسولُ اللّهِ صلى الله عليه وسلم أني قد استحييتُ فمضى وتركنى .... نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي) وده النبى
    لما الغيرة تبقى شىء عدم ..وتلاقى الاخ قاعد مع اخته بيتفرجوا على فيلم مليان بقصص الحب والقُبلات والاحضان . والعبارات القذرة والمثيرة ..يبقى متزعلش لما تلاقى " زنا محارم "
    لما متربيش ولادك على الحلال والحرام ....وتسيب الحبل على الغارب لبنتك تصاحب ولإبنك يهــتك عــرض بنات الــناس ...يبقى متزعلوش...أيــو ه متزعــلــوش لما تطلعوا جيل فاقد لهويته ..أخلاقه مُحطمة ..حاسس بالغربة فى دينه ..شايف إن الأسلام مجردْ حركات جسدية ...أو إسم فى البطاقة ...الناس خلت الدين كله سهوكة وميوعة وده بسبب الكبار اللى ضاعت غيرتهم على دينهم قبل غيرتهم على محارمهم .. "
    قال سيدنا عمر رضي الله عنه: " النساء كلحم على وضم إلا ما ذُب عنه والذابون عنه هم الرجال".
    يا جماعة قو أنـفســكم وأهــليكم نارا نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي))

  6. #6
    Super Administrator الصورة الرمزية محمد حسن بدر الدين
    تاريخ التسجيل
    Oct 2005
    الدولة
    اتحاد روسيا الفدرالي
    المشاركات
    1,233

    رد: مراتي مش فرجة لحد..!!!

    • اعجبتني فنقلتها لكم ...
    • كتبها : محمد فضالي، في صفحته الشخصية هنا على الفيسبوك


    النظرُ إلى المرأة على أنها جسدٌ بلا عقلٍ ثقافةٌ فاسدة، والإسلام منها بريء، وهي تشبه نظر ثقافات جاهلية قديمة على أن المرأة جسد بلا روح، واعتقاد أنها مجرد زينة أو أداة إشباع جهلٌ مُركب، والظن بأنها حيثما حلَّت فثَمَّ الشيطان، هو رجسٌ من إلقاء الشيطان
    حكى أن أفلاطون مر برجل يُعلم امرأةً الكتابة، فقال له: لا تَزِد الشر شرًّا. وقد قال الدكتور سلمان العودة رداً على هذا " كانوا يَعُدُّون المرأةَ شرًّا، ويَرَوْن تعليمها تشجيعًا على التمرد.
    أنوثة المرأة جزء من إنسانيتها، وليستْ كل مكوناتها، فهي شريكة الرجال في أصل الإنسانية وخصائصها، ولها الحق في الاستقلالية المادية والفكرية، وتقريرِ مستقبلها ضِمن الأُطُر الشرعية المُنَظمة لذلك"
    أمُّنا خديجة زوجُ نبينا صلى الله عليه وسلم انبثقت من بِيئة جاهلية لا تُحرِّم حرامًا ولا تُحلِّل حلالًا، وكانت المرأة حينها تباعُ وتُشترَى، وتُعامل كالجمادات أحيانًا من طرف الرجال، ومع ذلك فقد منحَتْه من الحب والعطف والمساندة ما يفوقُ الخيال؛ لذلك قال عنها حبيبُنا محمد عليه الصلاة والسلام: ((لا والله، ما أبدلني الله خيرًا منها، آمنتْ بي إذ كذَّبني الناس، وأعطتْني إذ حرَمني الناس، وواستني بمالها عندما منعني الناس، ورزقني الله منها الولدَ إذ حرمني أولاد النساء))
    المرأة لا ينظر إليها فى مجتمعنا إلا كما ينظر إلى دابة ...وليس بمقدوري احترامُ الرجل الذي يحتقرُ المرأة وينظرُ إليها باستخفافٍ كما لو كانتْ رِجسًا من عملِ الشيطان، ويتكلم عنها في المحافل والمجالس والمناسبات كما يتحدثُ سيدُ القَبيلة عن عبيده وجواريه؛ فالمرأة هي جدتي وأمي وأختي وزوجتي وابنتي، ولها عليَّ من الأفضال ما لا أستطيع له حصرًا
    أنا لا أحرر المرأة وألا أرسم لها قَرابين الكذب والنفاق، والحِيَل والشهوة المُحرَّمة، حتى تصبحَ أُلعوبة في أيدي الفاسدين ودميةً في دنياهم، يعبثون بها متى شاؤوا وشاءت لهم أهواؤهم المَقِيتة، كلا؛ بل كتبته اعترافًا مني بالمرأة الشريفة التي تستحق أن يُنوَّه بها في مُجلدات وليس في صفحات عابرة




+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مش باين لها خيـــر !!
    بواسطة صلاح ادريس في المنتدى مجموعة الأستاذ صلاح ادريس
    مشاركات: 2
    آخر مشاركة: 10-14-2010, 06:53 PM
  2. قالولى بتحب مصر .. قلت مش عارف !!
    بواسطة صلاح ادريس في المنتدى مجموعة الأستاذ صلاح ادريس
    مشاركات: 2
    آخر مشاركة: 06-14-2010, 11:47 PM
  3. فلنرحب جميعاً بالعضو الجديد مش معروف
    بواسطة Hameedki في المنتدى ارشيف مواضيع العام 2010
    مشاركات: 5
    آخر مشاركة: 06-01-2010, 09:16 PM
  4. الحكاية .. مش حكاية سد ..
    بواسطة صلاح ادريس في المنتدى مجموعة الأستاذ صلاح ادريس
    مشاركات: 0
    آخر مشاركة: 01-17-2010, 11:44 PM
  5. بصراحة مش خسارة فيك جزمة معفنة
    بواسطة مجيد في المنتدى ارشيف مواضيع العام 2008
    مشاركات: 4
    آخر مشاركة: 12-24-2008, 05:30 AM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • تستطيع تعديل مشاركاتك
  •